Testuen meatzaritza.

Testuen meatzaritza (text mining eta text analytics izenez ere ezaguna) testuetatik informazio egituratua edo ezagutza erauzteko teknikak biltzen dituen alorra da. Teknika horien bidez, pertsonek modu eraginkor eta erraz batean azter dezakete testu-bildumetan (batzuetan, big data motakoak) kodetuta dagoen informazioa, eta horrek nabarmen errazten ditu erabakiak hartzeko prozesuak. Alor zabal horretan, askotariko atazak daude: testuak sailkatzea, testuak multzokatzea, entitate izendunak erauztea, iritziak erauztea, dokumentuak laburtzea eta informazioa berreskuratzea, besteak beste. Gaur egun, testuen meatzaritzako teknologiak arrakastaz erabiltzen ari dira gobernuen, ikerkuntzaren zein merkatuen hainbat beharri erantzuteko.

Ikerketa-lerro nagusiak

  • Hizkuntza arteko informazioaren berreskurapena
  • Hizkuntza-sailkapena
  • Iritzien polaritate-sailkapena
  • Albisteetarako gai-etiketen sorkuntza
  • Kronologien sorkuntza

Martxan dauden Ikerketa proiektuak

  • VIGICOVID: Vigilancia automatizada de cuestiones clave sobre la COVD19 en publicaciones científicas. Fondo Supera COVID-19 (2020-2021).
  • GEPSA: Gizarte-Erronkei erantzun eta Politika Eraginkorrak diseinatzeko prentsaren azterketa Semantikoan oinarritutako tresna Adimenduna. EJko Hazitek deialdia (2019-2020)
  • Elesight: Inteligencia y análitica avanzada multidominio basada en Big Data y Deep Learning. EJko Hazitek deialdia (2018-2019)
  • HitZain: Plataforma de vigilancia en medios para seguimiento competitivo de mercado. EJko Hazitek deialdia (2016-2018)